Laacib Reer Ghana Ah Oo La Filayo Inuu Badalo Maxamed Salaax

Haatufonline,June 1,2024

Tan iyo dabayaaqadii sanadkii hore markii ay soo baxeen wararkii sheegayey in Sucuudigu lacag khiyaali ah dul dhigay sidii uu ula soo wareegi lahaa laacabka Liverpool ee Maxamad Salaax ayaa waxa la isweydiinayey tolow hadii ay arintaasi rumowdo Liverpool ma heli doonaa laacib u badala Salaax kaasoo guulihii faraha badnaa ee usoo hooyey naadigaasi darteed taarrikhda galay kana mid noqday laacibiintii ugu mudakarsana ee Liverpool soo mara abid.
Hadaba sida isbuucan lagu xusay qaybo ka mid ah saxaafadda Ingiriiska,naadiga Liverpool ayaa haatan Isha ku haya laacibka da’da yar ee Maxamad Qaduus kaasoo waqtigan xaadirka ah u ciyaara kooxda West Ham. Qaduus oo kasoo jeeda dalka Ghana 23 jirna ah ayaa sanadkii 2023 kasoo wareegay naadiga reer Holland ee Ajax waxaanu ku biiray West Ham iyadoo aad loo amaanayo ciyaartiisa mudadi uu la joogay Ajax iyo West Ham labadaba. Tababare caan ah oo Ingiriis ah oo la dhacsan Maxamad Qaduus ayaa ku tilmaamay inuu yahay xidig soo koraya oo laga sheekayn doono waxaanu saadaaliyey inuu ka fiicnaan doono mustaqbalka Maxmad Salaax marka la eego awoodaha iyo xirfadaha uu Quduus durtaba garoomada ku muujiyey.