Madaxweynaha Somaliland Oo Sheegay In Dagaal Laga Dhargin Doono Cida Nabada Diida.

Qoruligud, August 19, 2024 (Haatufonline) -Madaxweynaha Somaliland, ayaa maanta boogasho shaqo ku tegay qaar kamid ah fadhiisimada ciidamada qaranka ee jiidaha u dhexeeya Qorilugud iyo Buuhoodle.

Madaxweynaha ayaa mid mid u tegay fadhiisimada ciidamada ee aaggaasi difaaca kaga jiraan, waxana uu warbiximo ka dhegaystay taliyaha ciidanka qaranka sarreeye gaas Nuux Ismaaciil Taani.

Madaxweynaha, ayaa indho indheeyey shaqada culus ee ciidamada qaranku bulshada u hayaan iyo sida nafhurnimada leh ee ay u gudanayaan waajibaadkooda.

Madaxweynaha Somaliland oo khudbad u jeediyey ciidanka ayaa sheegay in Somaliland aanay cidna Gardaraysan balse cidii nabada diida ee dagaalka gala tidhaa inay ka dhargin doonaan dagaal.