Ciidamada Danab Ee Somalia Oo #Alshabaab Ka Sifeeyey Degaanada Ku Dhow Bacaadweyne Iyo Camaara Ee Gobolka Mudug Iyo Dadweynaha Oo Soo Dhaweeyey

Dhuusamareeb,July 21,2021(Jaatufonline)- Ciidanka Somalia u qaabilsan hawlgalada gaarka ah ee la dagaalanka argagixisada ayaa todobaadkan ku guulaystay inuu kooxda Alshabaab ka sifeeyo degaano balaadhan oo ku yaala gobolka Mudug ee ka tirsan dawlad goboleedka Galmudug .

Ciidankan oo loo yaqaano Danab oo ay taakulaynayaan ciidamada gobolku iyo argagixisada Alshabaab ayaa maalmihii u dambeeyey waxay dagaalo qadhaadhi ku dhexmareen deegaano ku dhow Bacaadweyne iyo Camaara iyadoo uu  kooxda Alshabaab khasaare laxaad lehi kasoo gaadhay iska-horimaadyadaasi oo hadda ay ciidamada dawladdu gacanta ku hayaan dhamaan dhulki laga saaray Shabaabka.

Dhinaca kale dadweynaha ku nool deegaanda laga sifeeyey kooxda Alshabaab ayaa dareen farxad leh kusoo dhaweeyey inay ka xoroobeen culayskii iyo argagaxii ay dagaalyahanda Alshabaabku ku hayeen mudadi ay halkaas ku sugnaayeen.