Ergayga Gaarka Ah Ee Maraykanku U Cayimay Geeska Afrika Oo Madaxweynaha Tigray Kula Kulmi Doona Makelle

Washington,August 14,2021(Haatufonline)-Ergeyga gaarka ah ee Maraykanku u cayimay Geeska Afrika Jeffery Feltman ayaa laga bilaabo bishan shan iyo tobankeeda ilaa afar iyo labaatankeeda socdaal kusoo mari doona sadexda dal ee Jibuuti,Itoobiya iyo Imaaraatka isagoo isku dayaya inuu waan waan ka galo sidii xabad joojin looga hirgalin lahaa dagaalada ka socda waqooyiga Itoobiya isla markaana cunto gargaar ahna loo gaadhsiin lahaa dadka macaluushu ku hayso gobolka Tigray iyo meelo kale.

Mr Feltman ayaa socdaalkiisan la filaya inuu la kulmo madaxda sadexda dal si wax looga qabto ujeedada safarkiisa waxaana qorshehiisa ku jira inuu gaadho caasimadda gobolka Tigray ee Makelle si uu wada hadal ula yeesho madaxweynaha dawlad goboleedka Tigray Debretsion Gebremichael.