#Alshabaab Oo Dilay 10 Dameer Oo Kusii Jeeday Waajid Raashinki Saarnaana Gubay

Waajid,December 5,2021(Haatufonline)-Toban dameer oo raashin u siday magaalada Waajid ayaa saaka ku baxay gacanta Alshabaab ka dib markii ay dagaalyahanada kooxdaasi ay qabsadeen 10 gaadhi dameer u rarnaa gancasato ka tirsan degmadaasi hoos timaadda gobolka Bakool oo in mudo ahba ay Alshabaabku ku hayeen go’doomin joogto ah.

Inkastoo dadkii gaadhi dameerada waday ay cagaha wax ka dayeen markii rasaasta lagu soo bilaabay hasa yeeshee dagaalyahannada Alshabaab ayaa kadib marki ay gaadhi dameeradi gacanta ku dhigeen waxay dab gabsiiyeen raashinki saarnaa isla markaana waxay dileen 10 kii dameer .

Waa markii labaad ee muddo 2 bilood gudahood ah ee ay kooxda Alshabaab jidka ku gubto raashin loo waday degmada Waajid taasoo sababtay in raashinka daruuriga ahi uu ku qaali garoobo deegaankaasi oo dadka danyarta ahi tahli kari waayaan inay gataan.