Khayre Oo Quus Taagan Iyo Xayeysiisyadi Uu Lacagta Badan Ku Bixiyey Oon Wax Taageero Ah Usoo Kordhin

Muqdisho,May10,2022(Haatufonline)- Raiisalwasaarihii hore Somalia Xasan Cali Khayre ayaa rajo xumo ka muujinaya ololeha uu ugu jiro inuu hantiyo madaxtinimada dalka Somalia.
Khayre ayaa lagu soo waramaya in uu ilaa hadda la’yahay cid uu la xulafaysto oo ka mid ah musharixiinta kale ee tiradoodu kor u dhaaftay 40ka musharax si ay isu badhitaageeraan marka wareegga kowaad ee codbixinta doorashada la dhaafo.
Khayre ayaa xiligii uu ahaa raiisalwasaaraha ku kacay arimo badan oo usoo jiiday sumcad xumo bulshada dhexdeeda ah taasoo sababtay inay musharaxiinta kale dhagaha ka furaystaan codsiyo uu ula tagay inay wax ku heshiiyaan oo kooda cod bataa uu ka kale ku wareejiyo codadka xildhibaanadii taageeroyaashiisa ahaa.

Si uu uga baxo go’doonka siyaasadeed ee uu ku jiro waxa uu Khayre lacag aad u farabadan galiyey dhinaca xayeysiiska iyo xafladaha hoteellada lagu qabto ee baraha bulshada lagu baahiyo.Hasayeeshee siday ilo ku dhaw dhaw Khayre ay sheegeen xayeysiisxadi uu lacagta badan ku bixixyey wax taageero ah ugamay soo kordhin hadii ay noqoto dhinici xildhibaanada iyo musharaxiinta iyo hadii ay noqoto bulshada dhexdeedaba taasoo walaac iyo calaacal badan ku dhalisay musharax Khayre.