Safiirka Somalia U Fadhiya Qadar Oo Iibiyey 30 Fiiso Oo Lagu Keeni Lahaa Kalkaaliyeyaal Caafimaad

Dooxa,June 8,2022(Haatufonline)-Safiirka Somalia u faddhiya Dooxa Cabdirizaaq Taano ayaa suuqa ka iibiyey 30 fiiso oo dawadda Qadar ay Somalia kaga dalbatay in lagu keeno kalkaaliyeyaal caafimaad.

Safiirka ayaa markii ay fiisooyinku soo baxeen ku wareejiyey walaalki Cabdulcasiis kaasoo la xidhiidhay nin deggan Dooxa oo kasoo jeeda Koonfur Galbeed oo dilaal ah isla markaana u shaqeeya mid ka mid ah Shuyuukhda Qadar,waxaana fiisooyinki lagu faasaxay calaa $5000 fiisadiiba.

Taano ayaa ka daba tagay qalab iyo alaab ay dawladda hoose ee magaalada Dooxa ka baxday oo ay ugu deeqday maamulka gobolka Banaadir si uu ula wareego iyadoo Muqdisho laga sugayey Sabtidi ay taarrikhdu aheyd 4/6/2022.Safiirka ayaa qalabkan waxa uu kusoo raray sidii mid uu isagu shakhsiyan leeyahay.