Agaasimaha Guud Ee Wasaarada Caafimaadka Oo Booqday Jiida Hore Iyo Taliska Goojacade

Laascaanood, April 5, 2023 (Haatufonline) – Agaasimaha Guud ee Wasaarada Horumarinta Caafimadka Jamhuuriyadda Somaliland Dr.Maxamed Cabdi Xergeeye ayaa gaadhay Jiida Hore ee ay ku sugan Yihiin Ciidanka Qaranka Somaliland ee Goojacade.

Socdaalka Safarkan oo ay Agaasimaha guud ku Wehelinayeen Isuduwaha Wasaaradda Horumarinta Caafimaadka JSL ee gobolka Saraar iyo masuuliyiin kale ayaa waxay Kulamo kala duwan la qaateen Saraakiisha Ciidanka qaranka, Shaqaalaha Caafimaadka, intaa kadib Agaasimaha guud ayaa Daawooyin iyo agab Caafimaadka ku Wareejiyay, isagoo soo kormeeray Qaybaha Caafimaadka ee Ciidanka Qaranka.