Inter Milan Iyo Benfica Oo Isku Mari Waayey 3-3

San Siro, April 20, 2023 (Haatufonline) – Lugtii labaad ee ay wada ciyaaraan kooxaha Inter Milan iyo Benfica ayaa caawa ku soo dhamaatay barbar dhac 3 gool iyo 3 gool ah.
Ciyaartan oo ahayd mid xiiso badan oo ka dhacday garoonka San Siro ayaa goolkii koowaad waxa ku hubsaday shabaqa Benfica ciyaaryahanka Berella daqiiqadii 14aad, hase yeeshee Benfica ayaa goolkii barbaraha la timid qaybtii hore ee ciyaarta.
Markii la isku soo noqaday qaybtii dambe ciyaaryahanada Martinez iyo Correa ayaa min hal gool u dheliyey Inter balse daqiiqadii 86aad ayaa Benfica ay la timid goolkoodii labaad oo uu dhaliyey Silva, halka goolkii sadexaadna Benfica ay la timid wakhti daayacii markii 90+daqiiqo dhamaatay.
Inter Milan ayaa sidaasi ugu soo baxday afar dhamaadka horyaalka kooxaha Yurub, waxaana la filayaa inay wajihi doonto kooxda Ac Milan oo iyadu xalay ka soo badisay Napoli.