Shil Diyaaradeed Oo Ka Dhacay Somalia

Muqdisho, July 11, 2023 (Haatufonline) – Diyaarad rakaab ahayd oo ay lahayd shirkadda Hala Airline oo magaalada Garowe ka duushay ayaa shil ku gashay garoonka diyaaradaha ee Muqdisho.
Shilkan diyaaradeed ayaa sababay dhaawaca 2 qof oo ka mid ahaa rakaab 34 qof ah oo diyaarada saarnaa.
Hay’adda duulista rayidka Soomaaliya oo Warbixin hordhac ah soo saartay ayaa sheegtay in diyaaraddu ay ka baxday dhabbaha ay ku degto, taasoo ahayd sababta ay shilka u gashay.

Hay’addu waxay sheegtay in diyaaradani ay u kiraysnayd shirkadda HALA Airline. Waxayna intaas ku dartay inay kasoo duushay madaarka Garowe oo ay saarnaayeen 34 rakaab ah iyo 4 shaqaale ah.