Xisbiga Waddani Oo Cambaareeyey Afduubka Gaadiidka Hay’adda Hello Trust Loogu Geystay Deegaanka Dabo-Gorayaale.

Hargeysa, August 9, 2023 (Haatufonlune) – Xoghayaha Abaabulka ee Xisbiga Waddani Cabdilaahi Jaamac Cismaan (Geeljire) ayaa sheegay in xisbigooda Waddani uu cambaaraynayo falkii maanta lagu afduubay gaadiidka iyo shaqaalaha hay’adda Hello Trust.
Mr Geeljire ayaa intaasi ku daray in falkaasi lagu kaxaystay gaadiidka hay’adda Hello Trust oo ku sugnaa deegaanka Dabo-goroyaale oo ka tirsan gobolka Daadmadheedh ay tahay fal xun oo aan la aqbali karin, xisbi ahaana ay cambaaraynayaan.
Maanta ayay ahayd markii koox la baxday Jabhada Buurta Gacan Libaax ay deegaanka Dabo-goroyaale ay ka afduubeen laba gaadhi iyo nin dirawal ah oo u shaqaynayey hay’adda miino baadhista ee Hello Trust.
”laba gaadhi Way kaxaysteen Askarna Qoryaha ayay ka qadeen Jabhadu ” Gudoomiyaha Degmada Dabo- goroyaale