Taliye Dabagale Oo Sheegay In 9 Askari Laga Dilay Ciidanka Booliska

Hargeysa, August 11, 2023 (Haatufonline) – Taliyaha Booliska Somaliland Maxamed Aadan Saqadhi (dabagale) oo caawa warbaahintabla hadlay ayaa sheegay in 9 Askari laga dilay ciidanka Booliska kadib markii ay jidgoyn u gashay Koox hubaysan oo ku sugan Buurta Gacan Libaax.
Taliye Dabagale waxa uu intaasi ku daray in 17 Askari oo Boolis ah lagu dhaawacay dagaalkii maanta ka dhacay deegaanka Goda yar ee u dhexeeyay Jabhadda hubaysan iyo Booliska.
Taliyaha Booliska Somaliland waxa uu sheegay in jabhaddu ay jidgooyo u gashay 30 Askari oo deegaamaadaasi ku sugnaa kuwaas oo deegaan kale u socday.
Taliyuhu waxa uu sheegay in aanay haysan amar  ay Ciidanku ku dagaallamaan balse caawa laga bilaabo ay haystaan Amar lagula dagaallamayo ragaasi ku jira Buurta.