Madaxweynaha Somaliland oo Kulan Hadhimo Ah U Sameeyey Daahir Rayaale Oo Ahaa Madaxweynihii 3aad Ee JSL.

Hargeysa, February 19, 2024 (Haatufonline)-Madaxweynaha Jamhuuriyadda Somaliland, Mudane Muuse Biixi Cabdi ayaa maanta qasriga madaxtooyada Hadhimo-sharafeed ugu sameeyey Madaxweynihii saddexaad ee Somaliland, mudane Daahir Rayaale Kaahin.

Kulankan ayey labada madaxweyne isku xog waraysteen, iskuna dhaafsadeen talooyin iyo afkaaro salka ku haysa sidii looga wada shaqayn lahaa horumarka iyo wada jirka ummadda Jamhuuriyadda Somaliland.

Kulankan hadhimo sharafeedka ah oo ay madaxweynaha ku wehelinayeen Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (Saylici), wasiirrada Wasaaraha Arrimaha gudaha, Mudane Maxamed Kaahin Axmed, Hrumarinta Biyaha, Mudane Saleebaan Yuusuf Cali Koore, Ganacsiga iyo Dalxiiska, Mudane Maxamuud Xasan Sacad Saajin, Xannaanada Xoolaha iyo horumarinta Reer Miyiga, Mudane Siciid Sulub Maxamed, Xidhiidhka Golayaasha iyo arrimaha Dastuurka Mudane Cabdinaasir Muxumed Xasan Buuni, Shaqo-gelinta, arrimaha Bulshada iyo qoyska, Eng Cali Cumar Maxamed (Cali Xoor-xoor), Macdanta iyo Tamarta, Mudane Cabdilaahi Faarax Cabdi, waxbarashada iyo Sayniska, Dr Axmed Aadan Buuxane iyo Safiirka Jamhuuriyadda Somaliland u fadhiya Dalalka Maraykanka iyo Kanada (Canada) Amb. Bashiir Sheekh Cumar Good.