6 Qof Oo Ku Dhintay Laba Qarax Oo Ka Dhacay Muqdisho Iyo Baydhabo

Baydhabo, July 4, 2020 (Haatuf) – Ugu yaraan 5 Qof ayaa ku dhintay, tiro ka badan sideed kalena way ku dhaawacmeen kadib markii laba qarax ay kala kala dhaceen meel u dhow dekeda magaalada Muqdisho, halka sidoo kale qaraxa kale uu ka dhacay Magaalada Baydhabo ee Caasimada Maamul goboleedka Soomaaliya ee Koonfur-galbeed, sida ay xaqiijinayaan masuuliyiinta Booliska Maamul-gobolleedkaasi.

Saraakiisha magaalada Baydhabo, oo qiyaastii 250 kiiloomitir galbeedka kaga beegan Muqdisho, ayaa VOA Soomaali u sheegay in qaraxan uu u muuqdo mid ka yimid miino meelaha fog laga hago oo lagu aasay goob canshuurta laga qaado dowladda oo ku taal koonfurta magaalada.
“Afar rayid ah iyo hal qof oo ka tirsan dowladda ayaa ku dhintay qaraxa ay siddeed kalena ay ku dhaawacmeen,” ayuu yidhi Guddoomiyaha degmada Baydhabo Xasan Macallin Bikole. “Dhaawacyada waxaa lagu daweynayaa cisbitaalada.”
Magaalada caasimada ah ee Muqdisho, qof ismiidaamiye ah oo watay gaadhi ayaa isku qarxiyay afaafka hore ee xarunta dakhliga ee dawladda, halkaas oo uu ku dhaawacay toddobo qof, oo ay ku jiraan ilaalada amniga.
“Ciidamada amniga waxay ka shakiyeen gaadhiga maadaama ay kusii jeedeen dhismaha xarunta dakhliga. Saraakiisha ciidamada booliska ee ilaaliya goobta ayaa ka hor istaagay in ay gaadhaan bartilmaameedka darawalka gaadhiga ayaa ku dhuftay gaadhiga darbi ku dhow kahor inta uusan isku qarxin, ”ayuu yidhi afhayeenka booliiska Sidiiq Dodishe. Shan sarkaal oo booliis ah ayaa ku dhaawacmay qaraxa, ayuu raaciyay.