Abiy Ahmed Oo Ka Soo Muuqday Jiida Hore Ee Dagaalka, Sheegayna Inuu Cadawga Ka Guulaysan Doono

Addis Ababa, November 26, 2021 (Haatufonline) – Raysal Wasaaraha Itoobiya Abiy Axmed ayaa ballan qaaday guul, taasoo ay warbaahinta dowladda ku sheegtay inay ahayd farriintiisii ugu horreysay kaddib markii uu toddobaadkan u kicitimay jiida hore ee dagaalka si uu u hoggaamiyo ciidammada dowladda ee dagaalka muddada sanadka ah kula jira xoogagga ka soo jeeda waqooyiga gobolka Tigray. Warbaahinta dowladda ayaa Arbacadii sheegtay in Abiy uu u kicitimay dagaalka si uu u hogaamiyo duullaan rogaal celis ah oo lagu qaaday ciidamada Tigreega, isagoo xilalka joogtada ah ku wareejiyay ku xigeenkiisa. Fiidiyow la soo bandhigay Jimcihii ayaa muujinaya isagoo ku sugan jiida hore ee dagaalka.