Afar Xubnood Oo Ka Tirsan Ururka Al-Shabaab Oo Lagu Dilay Jubbada Hoose

Kismaayo, February 19, 2022 (Haatufonline) – Hawlgallo ay si wadajir ah u fuliyeen ciidamada dowladda Somalia iyo kuwa Jubbaland ayaa lagu dilay 4 xubnood oo ka tirsan ururka Argagixisada ah ee Al-shabaab.

Ugu yaraan 4 xubnood oo ka tirsanaa kooxda Al-Shabaab ayaa lagu dilay howlgalladan, halka lagu dhaawacay 6 kale, sida ay xaqiijiyeen saraakiil ka tirsan milatariga Soomaaliya.

Sidoo kale saraakiisha ayaa xusay inay cagta mariyeen xarumo iyo saldhigyo ay kooxda Al-Shabaab ku laheyd halkaasi.

Dhanka kale ma jiro wax hadal ah oo kasoo baxay dhanka Shabaab oo ku aadan howl-galladaas ee ay guulaha ka sheegteen ciidamada Xoogga dalka iyo kuwa Jubbaland.

Jubbooyinka ayaa ka mid ah meelaha ay sida aadka ah ugu xoogan yihiin Xoogaga Al-Shabaab oo weeraro ku qaada saldhigga ciidamada huwanta ee ku yaalla halkaasi.