Al-Itixaad Oo Mo Salaax U Balanqaaday Mushaharka Ugu Qaalisan Hadii Liverpool Ogolaado Iibkiisa

Liverpool,August 31,2023( Haatufonline) – Naadiga Sucuudiga ah ee Al-Itixaad ayaa laacibka Liverpool ee Maxamad Salaax u balanqaaday inuu siin doono mushaharka ugu sareeya ee laga qaato tartanka kubada cagta ee Sucuudiga hadii uu naadiga Liverpool ogolaado inuu kaga iibiyo lacag gaadhaysa $190 milyan inta aanay dhammaan mudadii loo qabtay in ciyaartowga lala kala wareegi Karo taasoo ku eeg 11 habeenimo ee Jimcahan .

Tababaraha Liverpool Jurgen Klopp ayaa isagu ku dhaggan Salaax waxaanu dhawaan dhawr jeer ku celceliyey in Salaax joogi doono Liverpool. Hasayeeshee warar cusub oo arintan ku saabsan ayaa sheegaya in doonistii Al-itixaad ee Salaax ay saacadihii u dambaysay soo laba kaclaysay wuxuuna Al-itixaad kordhiyey lacagtii uu Liverpool kaga iibsan lahaa laacibka Masriga ah iyadoo uu gaadhsiiyey €200 milyan iyo mushahar ka sareeya kii Ronaldo iyo Nemyar lagu qaatay.