Ciidanka Dawladd Deegaanka Soomaalida Oo Sheegay Inay Al-shabaab Ka Qabsadeen Hub

Jigjiga, May 10, 2022 (Haatufonline) – Ciidanka Xooga Gaarka ah Ee Dawladd Deegaanka Soomaalida gaarahaan ururada guutada 2aad ee ka hawlagala gobolka Afdheer iyo aaga xuduuda uu la wadaago Soomaaliya ayaa sheegay inay gacanta ku dhigeen hub Alshabaab leedahay.

Ciidankan Liyuu Booliska ayaa intaa ku daray in iyaga oo kaashanaya laamaha sirdoonka ay qabsadeen hubkii ugu badnaa ee kaydka Al-shabaab kaasoo ay xubno kamida kooxda arggixisadu ay ku aaseen meelaan sidaasi uga fogayn tuulooyinka Badawi iyo Hilomadow.

Hubkan ayaa waxaa kamida 50 AK47, 10 RPG iyo in kabadan 50 booshashka rasaasta ah.

Taliska guud ee ciidanka xooga gaarka ah ee DDS, ayaa sdm u xaqiijiyay inay waki socdaan baadhitaano lagu beegsanayo kaydadka hubka iyo saanada ee argagixisada Al-shabaab islamarkaana gacanta lagu hayo xubno badan oo kamida Al-shabaab.