Dagaallo Culus Oo Macawislayda Iyo Shabaabka Ku Dhexmaraya Gobolka Hiiraan.

Baladweyn,August 31,2022(Haatufonline)-Dagaal u dhaxeeya maleeshiyada Macawisleyda deegaanka iyo ururka Alshabaab ayaa maanta ka bilaabmay aagga tuulada Ceelcadde oo ku taala galbeedka magaalada Baladweyn.Siday dad ku nool deegaankaasi warbaahinta u sheegeen,dagaalkani wuxu qaraxay ka dib markii ay ciidamada Alshabaabku weerar kusoo qaadeen fadhiisimo ay ku sugnaayeen maleeshiyada Macawisleydu,waxaana la sheegay in dagaalku si xoogaysanayo marba marka ka dambaysa oo durtaba barakac ka bilaabmay deegaanka dagaalku ka socdo.Dadweynaha ku nool gobolka Hiiraan ee hoosyimadda dawlad federaalka Hirshabeele oo mudooyinkan dambe si xoog leh isu abaabulay ayaa weeraro culus ku qaaday fadhiisimo ay deegaanadooda ku lahaayeen kooxda argagixisada ah ee Alshabaab iyadoo ay maleeshiyada Macawislayda Hiiraan ay ku guulaysteen inay Shabaabka ka saaraan dhul weynoo baaxad leh.