Duulista Hawada Somalia Oo Diyaaradaha Ka Dalbatay Lacag Loogu Shubayo Dubay

Muqdisho,August 24,2024(Haatufonline) – Agaasimaha Guud ee hayadda Somalia u qaabilsan duulimaadyada hawada Axmed Macalin Xasan ayaa shalay diyaaradaha ku amray inay lacagta kaga waajibta isticmaalka hawada Somalia ay ku shubaan xisaabta lambarkeedu yahay 019101476304 taasoo ka furan baan Dubay ku yaala oo ay leedahay sharikad magaceeda la yidhaa Navpass oo bishi hore uun( July 18,2024) laga diiwaangaliyey dalka Imaaraatka iyadoo
Navpass ay Somalia wakiil uga noqon doonto Navpass-Somalia oo iyada Muqdisho laga diiwaangaliyey 22/2/2024.
Sida ku xusan qoraalka uu Agaasime Macalin u diray shirkadaha diyaaradaha waxa xisaabta lagu shubayo lacagta diyaaradaha laga furay baanka la yidhaa Mashreq Bank waxaana muumuli doona nin magaciisa la yidhaa John Ochieng oo leh lambarka Whatsapp +252 61 721 8541.
Siday ilo xogogaal ahi noo sheegeen madaxweynaha Somalia Xasan Sheekh ayaa Agaasime Maclin iyo Wasiirka Duulista Fardowsa Cismaan ku taageeray qorshahan lacagta diyaaradaha lagu shubayo Dubay ka dib markii lacag gaar ah oo xisaabta laga saaryo loo cayimay qof ka tirsan qoyska madaxweynaha.