Israel Oo Maanta Bilowday Weeraro Isdaba Joog Ah Oo Ay La Maaggan Tahay Xuuthiyiinta

Haatufonline,December 26 2024

Ciidanka Cirka ee dawladda Israel ayaa maanta duqayn xoog leh u gaystay bartilmaameedyo ku yaala magaala Sanca iyo sadexda dekadood ee Xudayda,Suleef iyo Ras Kutheeb oo dhamaantood hoosyimaadda xukunka Xuuthiyiinta Yaman.
Duqayntan ayaa waxa lala beegsaday madaarka Sanca iyo warshadaha laydhka ee Sanca iyo Xudayda.Waxa kale oo ay duqayntu haleeshay goob ku taala xaafad magaalada Sanca ah oo ay saraakiisha Xuutjiyiintu ku badanyihiin.
Duqayntan ayaa aheyd mid ay Isreal kaga jawaabayso gantaalo ay Xuuthiyiintu ku ganeen gudaha Israel iyadoo kii u dambeeyey uu Sabtidii dhawayd ku dhacay magaalada Tal Abiib.
Israel ayaa wacad ku martay inay Xuuthiyiinta daris u dhigto la mid ah sidii ay u gashay Xisbulaaga Lubnaan.

Dhinaca kale waxa isa soo taraya warar sheegaya in Israel ay Xuuthiyiinta la beegsan doonto weeraro isdaba joog ah oo kan Khamiistii maanta dhacay yahay kii ugu horeeyay.