Itoobiyanka Oo Buhoodle Ku Qabatay Gaadhi Siday Hub Loo Siday Ciidanka Alshabaab Ee Laascaanood

Buhoodle,February 22,2023(Haatufonline)-Bilayska Federaalka ee dawladda Itoobiya ayaa meel u dhaw xadka Buhoodle gacanta ku dhigay gaadhi xamuul ah oo nooca 24 tanka ah oo laga soo buuxiyey hub lagu taakulaynayey ciidanka Alshabaab ee u hogaamiyo Cabdi Madoobe ee Laascaanood kula dagaalamaya ciidamada xukuumadda Somaliland. Ilo lagu kalsoonyahay ayaa Haatufonline u sheegay in hubkani kasoo degay dekadda Boosaaso loona soo gudbiyey ilaa Garoowe ka dibna uu qarda jeex kusoo maray dhulka Itoobiya ee u dhaw xadka u dhaxeeya dalkaasi iyo Somaliland ka hor intaan la qaban.

Sida la ogsoonyahay hub qayrul shaci ah oo farabadan ayaa kooxaha argagixisada ee ka hawlgala mandaqada uga soo dega dekadda Boosaaso iyadoo shixnaddan la qabtay ay sida la sheegay dad qurbaha ku nooli ay lacagtii lagu soo iibiyey bixiyeen.

Siday ilo xog ogaal ah oo Itoobiyaanka u dhuun daloolaa sheegeen,gaadhiga hubka siday ayaa bilayska Federaalka Itoobiya ay ku qabteen agagaarka Buuhoodle ka hor intii aanu usoo gudbin dhinaca xadka Somaliland.