Video Laga Duubay Nin Shiine Ah Oo karbaashaya Shaqaale Afrikaan Ah Oo 20 Milyan Daawadeen

Haatufonline,May 3,2024

Video laga daawaday Internet-ka oo laga duubay nin Shiine ah oo si arxan darro ah ul ula dhacaya shaqaale Afrikaan ah ayaa waxa ka dhalatay cadho laxaad leh.
Muuqaalkan oo uu shalay barta X ( Twitter ) soo dhigay wariye la yidhaa Dom Lucre ayaa si deg deg ah ugu baahay baraha bulshada waxaana ilaa hadda daawaday dad ka badan 20 milyan oo qof.

Ninka Shiinaha ah ayaa marka hore cay iyo hanjabaad kala daalaya shaqaalahiisa kuwaasoo sida video-ga ka muuqata dhalinyaro yar yar ah,dabeeto waxa uu la dhacaya ul uu ku karbaashayo.
Hasayeeshee dad aad u tiro badan ayaa arintan foosha xaun kaga falceliyey doodo iyo faalooyin ay kusoo bandhigeen dhacdooyin ku saabsan sida qalafsan ee aadamaha ka baxsan ee ay shirkado iyo meharado Shiinaha laga leeyahay oo Afrika ku sugani ula dhaqmeen dad ka mid ah shaqaalahooda Afrikaanka ah.