Xasan Sheekh Oo Dagaal Ku Qaadaya Jubaland Iyo Ciidankii U Horeeyey Oo Ka Dagay Garbahaaray

Haatufonline,December 19,2024

Waxa maanta magaalada Garbahaaray ka dagay ciidankii u horeeyey ee Xasan Sheekh ugu talogalay inuu ka qaybqaato dagaalka uu la maaggan yahay dawlad goboleedka Jubaland.Waxa isna isla maanta Garbahaaray soo gaadhay wasiirka Amniga Gudaha Cabdilaahi Fartaag oo kasoo jeeda deegaankaasi isla markaana ka mid ah masuuliinta Xasan Sheekh la wada qorshaha lagu weerarayo Jubaland.
Ciidamada uu Xasan doonayo inay ka qaybgalaan hawlgalkan militari ayaa waxa ka mid ah qaybta 60-aad ee taliskeedu yahay Baydhaba,waxaana maanta Baydhaba yimid raiisal wasaaraha Somalia Xamse Barre sii uu maamulka Koonfur Galbeed ugu qanciyo inay taageeraan duulaanka ay xukuumadda Xasan Sheekh ku qaadayso maamulka Axmed Madoobe ee Jubaland.