Xubno Ka Tirsan Kooxaha Huwanta Oo Ku Dhintay Dagaal Culus Oo Ka Dhacay Laascaanood

Laascaanood, June 25, 2023 (Haatufonline) – Dagaal culus ayaa maanta ka dhacay magaalada Laascaanood.
Dagaalkan oo u dhexeeyey Ciidamada Qaranka Somaliland iyo maleeshiyaadka nabad diidka ah ee isku urursaday Laascaanood ayaa bilaabmay kadib markii kooxaha Huwantu ay madaafiic ku soo tuureen fadhiisimada Ciidanka Qaranka ee duleedka magaaladaasi kuyaala.
Ciidamada Qaranka Somaliland ayaa ka jawaabay weerarkaasi waxaanay baacsadeen maleeshiyaadkii soo duulay oo gudahana ay u galeen kdib markii ay jabiyeen dufaacyadoodii Laascaanood.
Dagaalkan oo xoogiisu ka dhacay Waqooyiga iyo Bariga Laascaanood, waxaana wararku ay sheegayaan in xubnaha Huwanta/Argagixisada kaga dhintay dagaalkan uu ka mid yahay Cabdirisaaq Iidle (Daroogo) oo maalmo ka hor baraha bulshada la soo istaagay inuu isagu dili doono Taliyaha Qaybta 7aad ee Ciidanka Qaranka.